72
Тимот на Чави немаше милост кон тимот на Дејвид Бекам, Барселона даде по три голови во секое полувреме.
Серијата ја отвори Обамејанг со погодок во 19. минута по една убава акција на тимот.
Шест минути подоцна Рафиња зголеми на 2-0, тоа беше негов прв погодок за Барселона.
На четири минути до крајот на првиот дел, Рафиња ја имаше улогата на асистент, а Ансу Фати даде гол за 3-0.
Во второто полувреме Чави излезе со комплетно нова постава која продолжи таму каде што застанаа стартерите.
Во 55. минута по асистенција од корнер на Депај, Гави зголеми на 4-0.
Во 69. минута самиот Депај постигна гол за водство на Барселона од 5-0.
А минута подоцна беа поставени конечните 6-0, последниот погодок беше дело на Дембеле.