„Ел Класико“ во финалето на Копа дел Реј не разочара и уште во првиот половина час понуди доста материјал. Барселона го притискаше Реал Мадрид и беше подобра, а имаше неколку добри шанси.
Првиот момент вреден за издвојување беше играта со рака на Федерико Валверде. Уругваецот беше во пад и нема сомнеж дека ненамерно ја стопира топката со рака. Судиите одлучија дека нема елементи за најстрога казна и ги налутија каталонците.
📸 – Barcelona asking for a penalty after a handball from a slip. pic.twitter.com/Nun1UAl4pr
— VAR Hub (@VARHub) April 26, 2025
Сепак, радост за Барселона и нејзините навивачи донесе Педри. Течеше 28. минута, акцијата се одвиваше по десната страна и ја водеше Ламин Јамал. Младото крило имаше добар преглед на играта и одложи до Педри, а овој со перфектен удар го отвори резултатот (1-0).