Серијата погодоци беше отворена уште во 5. минута кога Садио Мане постигна гол од пенал, неговиот прв во дресот на Баерн Минхен.
Седум минути подоцна Сабицер со удар од далечина го зголеми резултатот на 2-0.
Пред самиот крај на првото полувреме Мане беше во улога на асистент, му додаде на Гнабри кој реализираше за 3-0.
Во второто полувреме Нагелсман комплетно ја промени поставата на Баерн, во игра влегоа други играчи.
Само две минути откако влезе, во 47. минута Де Лихт постигна прекрасен гол, со волеј ја закова топката во мрежата на противникот.
Веќе во 51. минута беше 5-0, по асистенција од Коман, на Зиркзи не му беше тешко да даде гол.
Следуваа два гола на ДЦ Јунајтед со кои ја ублажија негативата.
На крај Томас Милер во 92. минута по една контра ги постави конечните 6-2.