Белгискиот фудбалер како мал бил фан на француската репрезентација, а бидејќи во Арсенал имаше многу Французи, од клубовите тој најмногу ги следел топчиите.
„Кога бев мал најмногу ја гледав француската репрезентација. Најмногу ги сакав Зинедин Зидан и Тјери Анри“, вели Азар.
„Тешко ми е да признаам поради мојата врска со Челси, но навистина ми се допаѓаше Арсенал во тоа време“.
„Тие имаа играчи како Роберт Пирес, Вилторд, Патрик Виеира, толку многу француски фудбалери кои ги следев додека растев“.
Азар не е многу загрижен кога е повреден бидејќи времето го поминува дома со својата фамилија.
„Имам среќа што кога сум повреден сум заглавен дома и сето тоа го минувам со мојата фамилија. Не е крај на светот ако сум повреден бидејќи можам да поминам време со моите деца, кога си сам и повреден може да биде тешко, но за среќам јас ја имам мојата фамилија која ми дава поддршка“.