Иднината на Хулијан Алварез повторно е актуелна тема во Шпанија, откако медиумите открија дека интерес за аргентинскиот напаѓач покажале и Барселона и Реал Мадрид. Каталонците подолго време ја следат ситуацијата околу фудбалерот на Атлетико Мадрид и веруваат дека би можеле да се вклучат во трката доколку се создадат услови за евентуален трансфер.
Во меѓувреме, Реал Мадрид наводно испратил понуда вредна 150 милиони евра, но одговорот од Атлетико бил експресен и негативен. „Јорганџиите“ немаат намера да го продадат еден од своите најважни играчи на најголемиот градски ривал.
Според шпанските медиуми, интересот на Реал кон Алварез се засилил откако Баерн Минхен јасно ставил до знаење дека Мајкл Олисе не е достапен за трансфер ова лето.
Без оглед на шпекулациите, ставот на Атлетико останува непроменет. Клубот сака да го задржи Алварез и засега не размислува за негова продажба, особено не на директен конкурент од шпанската престолнина.