Диого Жота
потпиша за Ливерпул, клуб кој иако подолг период се поврзуваше со неговиот
довчерашен соиграч од Вулверхемптон, Адама Траоре, сепак на трансфер пазарот
приреди едно мини-изненадување кое го чинеше 45 милиони фунти.
Иако многумина во
Жота гледаат идеална алтернативна опција за Јирген Клоп во офанзивата, сепак,
некои гледаат и повеќе од тоа, а асистентот на германскиот фудбалски стратег го
спореди Португалецот со Салах, Фирмино и Мане.
„Што можам да
кажам за него, гледано од технички аспект, тој е на исто ниво како нашето трио
во нападот“ вели Пеп Лијндерс.
„Жота има голем
потенцијал на теренот, ќе донесе голема разлика одвнатре во нашиот клуб, тој
наликува на пресинг-чудовиште, така тој дефинитивно брзо ќе се адаптира“ додаде
асистентот на Клоп.
Крилниот напаѓач
на 111 одиграни меча во
дресот на Вулверхемптон претходно успеа да постигне 33 погодоци, а во тимот од „Молењу“ настапуваше три сезони.