Ова лето Арсенал за 45 милиони фунти го купи Габриел Жесус од Манчестер Сити. Напаѓачот се покажа како големо засилување за време на подготовките, а утре ќе го има своето официјално деби кога топчиите му гостуваат на Кристал Палас на отварањето од новата сезона во Премиерлигата.
„Кога ќе донесете топ фудбалер кој доаѓа од топ клуб каде имал екстеремен успех низ годините, тие ќе треба тој победнички дух да го пренесат и во вашиот тим“, вели Артета.
„Улогата на Габриел Жесус тука ќе биде многу поинаква од онаа која ја имаше во претходниот клуб, ќе му биде потребна некоја адаптација и време“.
„Тој игра фантастично добро, ние сме изненадени од тоа колку брзо тој го наметнува тој победнички менталитет, но треба да ја поделиме таа одговорност“.
„Тој е огромен талент, фудбалер со менталитет кој е толку заразен и ќе ни даде многу, но на крајот на денот се работи за тимска игра“.
Утре Арсенал со гостување кај Кристал Палас ја отвора новата сезона во Премиерлигата, минатата година во април тимот на Артета со 3-0 загуби од овој противник.
„Минатата сезона тие покажаа колку цврст и тежок противник се и колку се константни на домашен терен, особено против големите тимови“, смета Артета.
„Се надевам дека научивме нешто од тој натпревар минатата сезона, имавме 30 минути кои не беа ниту блиску до стандардот кој треба да го имаме и ја плативме цената за тоа“.
„Сите сме ентузијасти, имавме подготовки какви што сакаме, добро бевме организирани, имавме добри резултати, добри перформанси, добри подготовки, но утре почнува топката да се тркала во комплетно поинаков контекст против Премиерлигашки тим и знаеме што да очекуваме“.
„Но точно е, имаме ниво на енергија и амбиција да бидеме успешни оваа сезона и треба да го покажеме тоа утре на теренот“.