Шампионот во
Премиерлигата, тимот на Ливерпул го засили својот тим со Тијаго Алкантара за
новата сезона, а трансферот ги чинеше Редсите 25 милиони фунти, претходно,
Шпанецот се поврзуваше уште и со Арсенал, Манчестер јунајтед, како и Челси.
„Ние не
коментираме за работите од претходно што сме сакале да го сториме на трансфер
пазарот, или сме се обиделе, меѓутоа, играта на Тијаго ми се допаѓа уште од
времето кога бев во Барселона“ изјави Артета запрашан дали Арсенал се обидел да
го ангажира Алкантара.
„Тој е огромен
талент, посебен, има неверојатен карактер, поседува навистина посебни квалитети
во играта во средниот ред, да, сметам дека тој е одлично засилување за Ливерпул“
додаде шпанскиот фудбалски стратег.
Во третото коло од Премиерлигата кое се игра претстојниов викенд, дербито на колото е токму дуелот помеѓу Ливерпул и Арсенал, предвидено да се одигра во понеделник.