Медиумите од Шпанија пренесуваат дека Карло Анчелоти го советувал Флорентино Перез и Реал Мадрид во кој правец треба да се движат на трансфер пазарот, тренерот предложил четири засилувања.
Минатото лето, Реал Мадрид донесе две засилувања, на „Бернабеу“ пристигнаа Килијан Мбапе и младиот Ендрик.
И покрај тоа што „кралевите“ имаа доста проблеми со повредите, не беа активни во зимскиот преоден рок.
Останува да се види како Флорентино Перез ќе пазари летоска, а последните информации велат дека Карло Анчелоти дал совет во кој правец треба да се движат на трансфер пазарот.
Тренерот смета дека се потребни засилувања во одбраната и средниот ред и понудил четири имиња – Вилијам Салиба од Арсенал, Мануел Аканџи од Манчестер Сити, Алексис Мекалистер од Ливерпул и Сандро Тонали од Њукасл.