Анчелоти мораше да менува, повика нов фудбалер за Светското првенство

На неколку дена пред почетокот на Светското првенство, во селекцијата на Бразил се случи принудна промена поради повреда.

Од составот отпадна десниот бек Весли поради повреда на бутниот мускул, а на негово место дополнителен повик дојде играчот од средниот ред, Едерсон.

„Весли е фудбалер кого сите во репрезентацијата исклучително го ценат и тој секогаш ќе биде дел од оваа генерација која се бори за шестата светска титула“, се наведува во соопштението на федерацијата.

Дваесет и шестгодишниот Едерсон во најскоро време ќе ѝ се приклучи на бразилската селекција во САД како дел од конечниот список од 26 играчи. Бразил настапот во групната фаза ќе го отвори во сабота со натпревар против Мароко во Њу Џерси.