Анчелоти потврди, преодниот рок за Реал Мадрид е завршен, тој го смета и Азар како ново засилување

Карло Анчелоти потврди дека Реал Мадрид не е во потрага по нови фудбалери, тој е задоволен од составот кој го има.

Како ново засилување го смета и Еден Азар кој вети дека во престојната сезона ќе го даде максимумот и навивачите ќе го видат вистинскиот Азар. Белгиецот на тренинзите веќе го покажува тоа, работи повеќе од било кога.

„Нема да донесеме уште некое ново засилување. Среќни сме со сегашниот тим, силни сме. Среќен сум за Ридигер и Чуамени и сигурен сум дека Азар ќе ни помогне многу“, изјави Карло Анчелоти.