Анчелоти вели дека не станува збор за нешто сериозно. Но потенцира дека не им треба нов напаѓач, знаат да постигнуваат голови и со другите фудбалери кои ги имаат.
„Нови засилувања? Нашиот напад е комплетен. Бројките зборуваат. Постигнуваме голови и без Бензема и Винисиус“, вели Анчелоти.
„Винисиус нема да игра против Хетафе. Повредата не изгледа сериозно. Тој сакаше да продолжи да игра, но ние не сакавме да преземеме ризик. Нема да купуваме играчи поради неговата повреда. Можеме да победуваме без Винисиус, без Бензема, брз Куртоа, без Милитао“.
На стартот од сезоната Белингем е главната ѕвезда на Реал Мадрид. Даде четири гола во првите три кола и на сите натпревари беше играч на мечот.
„Белингем и неговите голови? Тоа не е најважниот негов квалитет. Тој се движи добро без топка, паметен е и знае каде да се постави во вистинско време. Неговите способности се неверојатни“.
Родриго промаши пенал, а Анчелоти открива дека Модриќ требало да го изведе ударот од белата точка.
„Пеналот беше недоразбирање. Му реков на Валверде да го информира Модриќ тој да го шутира, но тој не ја испрати информацијата на време“.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.