Реал Мадрид иако доминираше на мечот против Тотенхем, во
дербито на вечерта, сепак на крајот европскиот првак ќе мора да се задоволи со
реми на домашен терен против премиерлигашот од 1-1.
Гостите први поведоа и тоа со автоголот на Варан во 28. минута
кој дојде како шок за домашната публика по двете неискористени шанси на Роналдо
претходно, но и едната на Кејн.
На две минути пред истекот на првото полувреме Роналдо
погоди од белата точка а во овој период од мечот беше поставен и конечниот
исход од средбата.
Во оваа група Тотенхем и Реал Мадрид се први на табелата
со по седум бода, следат Борусија Дортмунд и АПОЕЛ со по еден освоен бод.
Во мини-дербито на вечерта, Манчестер Сити славеше над
Наполи пред своја публика со 2-1, во рамките на групата „Ф“, по која
премиерлигашот сега има максимален број победи а калчолигашот е во незавидна
ситуација со една победа и два порази.
Домаќините преку Стерлинг во 9. односно Жесус во 13. минута
набрзина направија водство од 2-0 и се чинеше дека нема да застанат но Наполи
не мислеше така.
Најпрво Мертенс во 38. минута не успеа да погоди од
белата точка, а тоа му успеа на Диара кој во 73. минута намали на 2-1, а тоа
беше се’ што
направија гостите на овој натпревар.
Вреди да се издвои дека Наполи на ова гостување во
Англија отиде со шест победи во низа во сите конкуренции, а Манчестер Сити пак
го забележа десеттиот триумф во низа во сите конкуренции.
Во оваа група Манчестер Сити е лидер со девет бода, следи
Шахтјор со шест, Наполи со три, односно Феенорд засега е без ниту еден освоен
бод.
Од останатите натпревари ја бележиме убедливата победа на
Ливерпул на гостувањето кај аутсајдерот Марибор со 0-7 во рамките на групата „Е“,
каде по два гола постигнаа Салах и Фирмино, а по еден Кутињо, Чемберлејн и
Арнолд.
Ливерпул е на делба на првото место во својата група
заедно со Спартак Москва со по пет бода, следи Севилја со четири, односно
Марибор со еден бод засега.
Резултати и
погодоци од вечерашните натпревари:
Група „Х“
Реал Мадрид – Тотенхем 1:1 (Варан автогол 28’, Роналдо 44’)
АПОЕЛ – Борусија Дортмунд 1:1 (Поте 62’, Сократис 67’)
Група „Г“
Лајпциг – Порто 3:2 (Орбан 8’, Абубакар 18’, Форсберг 38’, Аугустин 41’, Марчано 44’)
Монако – Бешикташ 1:2 (Фалкао 30’, Тосун 34’, 55’)
Група „Ф“
Феенорд – Шахтјор 1:2 (Бергуис 9’, Бернард 24’, 53’)
Манчестер Сити – Наполи 2:1 (Стерлинг 9’, Жесус 13’, Диара 73’)
Група „Е“
Марибор – Ливерпул 0:7
(Фирмино 4’, 54’, Кутињо 13’, Салах 20’, 40’, Чемберлејн 86’)
Спартак Москва – Севилја 5:1 (Промес 18’, 90’, Кјаер 31’, Мелгарехо 58’, Глушаков 67’, Адриано 74’)
Фото-вест: uefa.com