„Пред секој натпревар разговарам со мајка ми која почина пред четири години“

Стратегот на Клуб Бриж, Ники Хејен го привлече вниманието со својата изјава пред вечерашниот натпревар против Аталанта.

Клуб Бриж ја изненади Аталанта во првиот натпревар и славеше победа со 2:1 и вечерва ќе се обиде да обезбеди место во осминафиналето.

„Секогаш и пред секој натпревар разговарам со мајка ми која почина пред четири години. Минатата година пред плеј-офот и кажав дека сакам да направам нешто лудо и на крајот ја освоивме титулата. Дали сум премногу религиозен? Не, но чувствувам дека тоа е нешто што ме радува. Морам да верувам во нешто, сакам да верувам дека нешто постои“, изјави Хејен.

Натпреварот помеѓу Клуб Бриж и Аталанта на програмата е од 21:00 часот.