462
Шпанскиот гигант Реал Мадрид уште еднаш покажа дека е клуб кој знае да поместува границите, па така „кралевите“ станаа првиот клуб во историјата кој остварил заработка од над милијарда евра во една сезона.
Ревизорската куќа „Делоит“ објави извештај во кој откри дека Реал Мадрид во изминатата сезона остварил заработка од 1.045 милијарди евра. За споредба една година претходно заработиле 830 милиони евра.
„Делоит“ инфомираше и дека првите 20 клубови во светот по заработката оствариле приход од 11.3 милијарди евра и тоа е за шест отсто повеќе од сезона претходно.
На оваа листа зад Реал Мадрид следи: Манчестер сити со 838 милиони евра, па ПСЖ со 806, Манчестер јунајтед со 771 и Баерн Минхен со 765 милиони евра.