Ништо од Ла Лига: Барди останува во Турција, го менува само клубот?

Иако се поврзуваше со неколку шпански клубови, капитенот на македонската репрезентација, Енис Барди се чини дека ќе остане во Турција.

Според турските медиуми, тој е на чекор до договор со екипата на Бодрум која се бори за опстанок оваа сезона.

Наводно Бодрум и Барди постигнале начелен договор кој во наредните денови треба и официјално да биде потпишан.

Тренер на Бодрум е легендарниот турски голман и икона на Фенербахче, Волкан Демирел. Клубот иако постои 94 години, оваа сезона првпат игра во најдобрата турска лига.