Поранешен фудбалер на Реал Мадрид и се понудил на Барселона

Медиумите од Шпанија пренесуваат дека Марко Асенсио и бил понуден на Барселона како засилување за нападот, но „каталонците“ го одбиле поранешниот фудбалер на Реал Мадрид.

Марко Асенсио нема иднина во ПСЖ, Луис Енрике не смета на својот сонародник, па офанзивниот фудбалер се обидува да пронајде нов клуб овој месец.

Неколку извори од Шпанија пренесуваат дека агентот Жорж Мендеш го понудил Марко Асенсио на Барселона.

„Каталонците“ сакаат да го засилат нападот, но сметаат дека поранешниот фудбалер на Реал Мадрид не е профилот на играч кој го бараат, па го одбиле.

Барселона преферира да го ангажира Маркус Рашфорд доколку може да издејствува добра зделка со Манчестер јунајтед.