Мурињо откри кој според него е најдобриот тренер во светот

Фенербахче утре го пречекува Атлетик Билбао во меч од Лига Европа, па денеска во Истанбул има и шпански новинари кои му поставуваа прашања и за шпанскиот фудбал и Реал Мадрид.

Мурињо беше запрашан дали би се вратил во Реал Мадрид, а тој во истата прилика рече дека Карло Анчелоти е најдобар во светот.

„Враќање во Реал Мадрид? Тие го имаат најдобриот тренер во светот, мојот пријател Карло“, рече Мурињо.

Португалецот изрази надеж дека Нико Вилијамс ќе потпише за Реал Мадрид во иднина.

„На Европското првенство сите луѓе зборуваа Јамал, Јамал, Јамал. Тој е фантастично момче, но лично јас повеќе го преферирам Нико Вилијамс. Се надевам дека ќе заврши во Реал Мадрид“.