Два натпревари
кои се на програмата денеска ќе го одбележат стартот на новата сезона во Првата
македонска фудбалска лига, во големото дерби Шкендија го пречекува Вардар,
додека пак Работнички е домаќин на Ренова во Ѓорче Петров, и двете средби
стартуваат со почеток од 17 часот.
Виктор Треневски,
шефот на стручниот штаб на Работнички, во пресрет на денешната пресметка
истакна дека секој старт е тежок, а Ренова како противник е уште потежок.
„Подготовките
завршија, време е за почеток на првенството. На стартот е секогаш тешко, а за
нас можеби најтежок противник во моментов е токму Ренова, со Влатко Костов на
кормилото. Еден добро балансиран тим, кој знае што сака на секој натпревар, и
сигурно се вбројува во екипите кои заедно со нас, со Пелистер и со Силекс, и во
новата сезона ќе се борат за излез во Европа. Но, подготвени сме, верувам во
своите фудбалери и очекувам една добра фудбалска претстава, со надеж дека ние
на крајот ќе се радуваме“ изјави
стратегот од клупата на Романтичарите.
Извор/Фото:
fkrabotnicki.com