Дарвин Нуњез нецелосно ги задоволува апетитите и потребите на Ливерпул. Во сезоната во која тимот повторно е лидер и делува како најсериозен кандидат за трофејот во Премиер лигата тој досега придонесе само со два гола.
Борбеноста е нешто што го краси. Јужноамериканскиот дух е присутен и јасно видлив кај Нуњез, па тоа е голем плус во неговата игра. Сепак, примарна цел секако дека се головите, а тоа му е проблематичен дел.
Поради тоа се појавуваат најави дека Ливерпул полека го губи трпението за скапото засилување. Нуњез пристигна на „Енфилд“ од Бенфика во 2022 година за 85 милиони евра, ама не ги оправда вложените средства. На 114 официјални натпревари Нуњез постигна 36 погодоци за Ливерпул и подели 19 асистенции.
Делува дека Ливерпул ќе биде отворен за потенцијален трансфер на Нуњез доколку пристигне вистинска понуда.