Во интервју за „Мундо Депортиво“, Лионел Меси меѓудругото откри кои имале најголемо влијание врз него во Барселона.
„Има двајца луѓе во Барселона кои имаа огромно влијание врз мене. Првиот беше Пеп Гвардиола бидејќи заедно освоивме неверојатни работи, а вториот е Роналдињо за начинот на кој ми помогна“, вели Меси.
Аргентинецот знае колку е тежок дресот на Барселона и вели дека оние кои играат за овој клуб никогаш не смеат да се помират со второ место.
„Никогаш не смеете да прифатите да бидете втор ако го носите дресот на Барселона. Тоа значи дека сте дел од најголемиот клуб во светот“.
„Дури и ако не освоите, најмалку што треба е да се борите за трофеите до самиот крај“.
„Мојата порака за фановите на Барса? Ми недостасувате. Се надевам дека ќе се сретнеме повторно наскоро. Се надевам дека се чувствувате горди да бидете дел од најдобриот клуб во историјата“.