Фудбалерите на Пелистер го добија натпреварот против Беса со 1-0 во 17. коло на ПМФЛ.
Стрелец на единствениот гол беше ветеранот и капитен Мирко Ивановски. Поранешниот македонски репрезентативец погоди во 15. минута од натпреварот.
Сепак, овој гол предизвика многу недоумици бидејќи делува дека Ивановски игра со рака. Играчите на Беса сигнализираа дека голот е нерегуларен, ама судијата Александар Ставрев покажа на центарот.
