ФИФА ги објави петте шешири од кои ќе бидат влечени репрезентациите за квалификациите за пласман на Светското првенство, како што и претходно се знаеше, Македонија е во третиот.
Македонија е во третиот шешир заедно со Шкотска, Словенија, Република Ирска, Албанија, Грузија, Финска, Исланд, Северна Ирска, Црна Гора, Босна и Херцеговина и Израел. Тоа значи дека ниту една од овие селекции не може да ни се падне во квалификациите.
Ќе бидат формирани 12 групи, шест ќе бидат со по пет репрезентации, а шест со четири. Првопласираните од секоја група директно ќе одат на Светското првенство, а второпласираните заедно со уште четири селекции од Лигата на нации ќе играат во баражот за место на Мундијалот.
