Родри го одбра најдобриот на сите времиња: За мене нема дилема!

Родри ја освои Златната топка и во последниот период очекувано е во центарот на вниманието на фудбалската јавност.

Шпанскиот фудбалер доби прашање да прокоментира за дебатата за најдобар на сите времиња. За Родри дилеми нема, Меси е недопирлив во оваа дебата.

„Јас немам сомнеж. За мене Меси е најдобар фудбалер на сите времиња. Едноставно кога ќе прими топка знаете дека сте во опасност. Ако се соочам со него и тргнам да му ја одземам, мислам дека ќе ми избега како на дете“, изјави Родри.

Лионел Меси е рекордер по бројот на Златни топки, ги освои вкупно осум, но дел од нив се оспоруваат од јавноста. Родри ја освои својата прва, но ако продолжи со партиите како досега ќе биде во комбинација и следните години.