Дуелот меѓу Холандија и Унгарија во рамките на Лигата на нации го одбележа една ужасна сцена кога на член на стручниот штаб на гостинската репрезентација му се слоши и колабираше во почетната фаза од мечот.
Се работи за Адам Салај кому му беше укажана помош, а по кратката реанимација, го изнесоа од стадионот и го однесоа во најбилската болница. Во текот на ноќта, Фудбалскиот сојуз на Унгарија соопшти дека Салај е при свест, а потоа се огласи и самиот стручњак.
„Ви благодарам на многуте пораки, добар сум“, напиша Салај на својот профил на Инстаграм.
Во сенка на овој настан остана дебаклот на Унгарија со 0-4 кој, сепак, нема да има големи последици бидејќи репрезентацијата обезбеди опстанок во А-лигата на нации.
