Застрелан e поранешен фудбалер на Хајдук

Вчера околу 22 часот пред спортската сала Винковци, бил застрелан поранешниот играч на Хајдук, 54-годишнио Марио Мештровиќ.

Непознат напаѓач во фантомка со неколку куршуми го застрелал Мештровиќ во ногата, информираат хрватските медиуми.

„Едно лице е повредено од огнено оружје и пренесено во болница за укажување на лекарска помош“, стои во соопштението на полицијата која трага по сторителот.

Мештровиќ е актуелен шеф на спортот во Вуковарско-сремската жупанија, се верува дека тој го знае напаѓачот и на полицијата го опишал човекот кој го извршил делото.