Англискиот
Чемпионшиплигаш се наоѓа на подготовки во Австрија каде е предвидено да одигра
неколку контролни средби. Првата, неофицијална, во вид на тренинг натпревар
заврши со пораз од турскиот Суперлигаш Бурсаспор со 0-3, тоа беше
неофицијалното деби за Алиоски во дресот на неговиот нов клуб.
Денеска нашиот
интернационалец го имаше и официјалното деби за Чемпионшиплигашот, кој
ремизираше (1-1) против бундеслигашот Борусија Менхенгладбах. Лидс прв дојде до
водство, но не успеа да го сочува до крајот на мечот.
Од тоа што
можевме да го проследиме како текстуален пренос на социјалните мрежи на Лидс
јунајтед, заклучокот е дека Алиоски имал одлично деби во дресот на Лидс
јунајтед, притоа создавајќи им неколкупати проблеми на дефанзивците од редовите
на Борусија Менхенгладбах.
Нашиот
интернационалец беше стартер на контролниот меч, каде одигра 63 минути.
Пријателскиот меч
во Австрија го следеа близу 1.000 љубители на фудбалот.