Го носеше дресот на Реал и ПСЖ, а сега на 32 години ќе игра во Малезија

Кариерите на одредени фудбалери многу пати не одат во насока како што се очекува, а таков е примерот на 32-годишниот Хесе Родригез.

Шпанецот долго време беше без клуб, а сега се одлучи да продолжи во Јохор ДТ, станува збор за најдобриот клуб во Малезија. Малезискиот клуб за Хесе ќе биде десетти во кариерата.

Хесе во кариерата покрај Реал и ПСЖ играше уште за Стоук, Бетис, Спортинг, Анкарагучу, Сампдорија, Коритиба и Лас Палмас.

Во Малезија пристигнува како слободен играч откако подолг период тренираше индивидуално.