Тренерот на Милан, Пауло Фонсека беше бесен на своите играчи откако Кристијан Пулишиќ не изведе пенал против Фиорентина и покрај тоа што репрезентативецот на САД е прв пеналџија на „росонерите“.
Милан синоќа загуби на гостувањето во Фиренца со 2-1, но резултатот можеше да биде поинаков, „росонерите“ не реализираа два пенали.
По крајот на натпреварот, тренерот Пауло Фонсека порача дека Кристијан Пулишиќ е прв пеналџија, па не му е јасно зошто други играчи ги извеле најстрогите казни.
При вториот пенал, Томори скокна по топката, и откако ја фати, му ја даде на својот сонаордник Абрахам наместо на Пулишиќ.
И покрај тоа, репрезентативецот на САД ја побара топката од Абрахам, но напаѓачот одби да ја даде и самоуверено порача дека тој ќе шутира.
„Пулишиќ ги изведува пеналите, не знам зошто се промени тоа на теренот. Веќе разговарав, им кажав дека ова никогаш не смее да се повтори“ – порача Пауло Фонсека.
— ➜ AC Milan (@bintYusuf___) October 7, 2024