Официјално: Милан го комплетираше трансферот на Биља

Од поодамна се знаеше дека Биља ќе биде ново засилување за Милан, но сите формалности беа завршени денеска.

Лукас Биља за 17 милиони евра плус 3 милиони евра во бонуси доаѓа во Милан од Лацио.

31-годишниот Аргентинец од петокот е во Милано, синоќа ги помина медицинските тестови, а денеска стави потпис на договорот.

Милан има фантастичен преоден рок, покрај Биља во клубот пристигнаа и Мусакио, Кеси, Родригез, Андре Силва, Борини, Чалханоглу и Бонучи.

До крајот на преодниот рок се очекува шлагот на трансфер пазарот за Милан и ангажман на еден од Белоти, Мората и Обамејанг.