Прославениот француски репрезентативец Антоан Гризман најави дека повеќе нема да настапува во дресот на националниот тим.
Асот на Атлетико има 33 години и реши дека е време за да се повлече од репрезентацијата на Франција. Тој нагласи дека е пресреќен за досегашните настапи, сеќавања и целото поглавје, но време е за да се прости од репрезентативниот табор.
„Благодарен сум за сите спомени во ова неверојатно поглавје од мојот живот, а сега е време за збогум“, кратко напиша Гризман со видео од најдобрите моменти во националниот дрес.
C’est avec le cœur plein de souvenirs que je clos ce chapitre de ma vie. Merci pour cette magnifique aventure tricolore et à bientôt. 🇫🇷 pic.twitter.com/qpw8dvdtFt
Играјќи за Франција Гризман го освои трофејот на Светското првенство во 2018 година, а се радуваше и во Лигата на нациите. Вкупно одигра 137 меча во дресот на „триколорите“, даде 44 гола и 38 асистенции.
