Лео Меси остана
верен на Барселона, напаѓачот и „Каталонците“ постигнаа согласност за нов
договор со трајност до 2021.
Аргентинецот
својот прв договор со Барса го има на парче салфетка, Карлес Рексач сакал по
секоја цена да го осигура младиот Лео Меси па во 2000 година морал да биде
прилично иновативен за да го добие неговиот потпис.
Првиот
професионален договор Лео Меси го доби во 2004, а кога наполни 18 години на 24.
јуни 2005, веднаш доби нов договор, тогаш како член на првиот тим.
Барса за кратко
време увиде дека има голем фудбалски бисер, па три месеци подоцна, Лео Меси
стави потпис на нов договор.
Аргентинецот во
2007 беше награден со нов договор и побогата плата, а истото се случи и 12
месеци подцона.
Пеп седна на
клупата, првата ѕвезда Роналдоњо замина, Лео Меси беше промовиран во нов
лидер, па Барса мораше да го корегира договорот и играчот доби плата од 8,5
милиони евра.
Следеше тројната
круна, па во 2009 Лео Меси стана најплатениот играч на Камп Ноу со плата од
околу 10,5 милиони евра по сезона, а доби и откупна клаузула од 250 милиони
евра.
Барселона во 2012
одново го награди Лео Меси со нов богат договор, а две години подоцна, го
направи најплатениот играч во светот на фудбалот со примања од над 20 милиони
евра.
По долги
шпекулации за иднината, играчот сега одново ја покажа својата верност, а
Барселона возврати со иста мера и обезбеди нов рекорден договор.
„Каталонците“
никогаш не откриваат бројки, но медиумите шпекулираат со сумата од 40 милиони
евра по сезона, со што Лео Меси е најплатен во светот на фудбалот.
