Лунин остана верен на Реал Мадрид, па доби договор каков што има само уште еден играч

Андриј Лунин реши да му остане верен на Реал Мадрид, голманот денеска стави потпис на нов договор до јуни 2030 година.

Андриј Лунин повторно е само резерва откако Тибо Куртоа целосно се опорави од тешката повреда, па Украинецот размислуваше за заминување од Бернабеу и тоа како слободен играч откако ќе му заврши договорот во јуни 2025 година.

Голманот сепак на крајот реши да му остане верен на Реал Мадрид и доби договор каков што има само уште еден фудбалер.

Андриј Лунин денеска се обврза на соработка до 2030 година, договор до 2030 година има само уште Ендрик.