Откако синоќа Милан објави дека и дефинитивно добиле негативен одговор од Донарума, фановите не штедеа навредливи зборови кон младиот голман.
Братот на Џиџо, Антонио Донарума кој исто така е голман, брани за грчкиот клуб Астерас, на инстаграм објави фотографија од неговиот и дресот на брат му и обележја од Милан и напиша подолг текст.
„Се обраќам на оние луѓе кои не направиле ништо туку само го навредуваат Џиџо и нашата фамилија“ – вели Антонио Донарума, братот на голманот.
„Џиџо е фан на Милан од мал, и неговиот сон отсекогаш беше да игра во дресот на Милан“.
„Секогаш со гордост го носеше дресот и ја даваше душата за него. Плачеше после секој пораз“.
„До вчера сите бевте за него, сега и покрај тоа што не знаете ништо го навредувате него и целата наша фамилија, пишувате работи кои нашата фамилија не би ги посакала ниту на нашиот најлот непријател“.
„Нашата фамилија уживаше и плачеше заедно со сите вас фанови. Милан има неверојатна историја и никој не може да го негира тоа“.
„За оние кои му дадоа пишана поддршка на Џиџо, ќе ви кажам дека комплетно разбирате каква личност е тој, се што направи за Милан, го правеше со љубов“.
„Пред се, Џиџо е фан на Милан исто како и вие и секој што го навредува не е навивач на Милан. Можете да навредувате под оваа фотографија, но оставете ја нашата фамилија надвор од ова. Тие секогаш не учат на вистинските вредности во животот“.