Тренерот на „Старата Дама“, Масимо Алегри го има идентификувано Даглас Коста од Баерн Минхен како идеално засилување за новата сезона, и лидерите на Јувентус прават се што можат за да му излезат во пресрет на стратегот.
Тутоспорт, весник кој е близок до „Бјанконерите“, сега открива зошто Масимо Алегри инсистира на ангажман на Бразилецот.
Даглас Коста минатата сезона во Бундеслигата имаше најголем број на дриблинзи, дури 148.
Ова е многу важно за во Серија А, каде екипите имаат подефанзивен пристап и негуваат цврста одбрана.
Па експлозивниот Даглас Коста и неговите дриблинзи ќе треба да ги „отвараат“ противничките одбрани.
Бразилецот има добри бројки и кога е во прашање креирање на шанси, тој минатата сезона, во која не играше многу забележа 9 асистенции, додека пак во сезоната 2015/16 дури 18, односно двојно повеќе.
Даглас Коста може да се пофали и со процент на реализирани додавања од 80% , односно од 1632 додавања, 1308 му биле успешни.
Тој не е голгетер, постигна 14 погодоци во двете сезони во дресот на „Баварците“, но опасен е кога ќе се најде во шанса за гол.
Од 107 шутеви, дури 41 завршиле во рамките на голот, со процент на прецизност од 38%.