Германската легенда Тони Крос по крајот на сезоната ја заврши и фудбалската кариера. Со трофеј во Лигата на шампионите и во Ла Лига со Реал Мадрид, целта беше да се бори за тронот на Европското првенство со Германија. Иако тоа не се исполни, Крос релативно задоволен ги закачи копачките на клин.
Околу еден месец по неговиот официјален крај, Крос реши да ја прокоментира одлуката за повлекување. Исто така, германскиот фудбалер доби прашање и направи паралела со Лука Модриќ и Кристијано Роналдо.
„Размислував за повлекување со месеци, а потоа размислив дека ова ми е одлична сезона и следната тешко дека ќе играм подобро. Долго време одвоив размислувајќи дали треба да заминам во пензија, но тогаш кога веќе решив – немаше назад.
Лука Модриќ сака да игра до крај, јас тоа никогаш не би го направил. Освен тоа, тој прифати нова улога според која игра помалку. Тоа немаше да биде мојата одлука. Сепак, Лука гледа поинаку на работите, секој има свој пат. Тој како и Кристијано Роналдо е зависен од успех, тоа не престанува. Одлучија за нешто што 95% од фудбалерите не го прават, а тоа е да престанеш кога си на врвот. Наместо тоа одбраа живот во фудбалот малку подолго, што исто така е добро. Ако се среќни со тоа, тогаш супер“, изјави Крос.
Кариерата на Тони Крос е навистина завидна, бидејќи освои сè што можеше да се освои на клупски план, а во 2014 година беше и светски првак со Германија.