270
Атлетико Мадрид и Манчестер Сити се во финални преговори за трансфер на Хулијан Алварез, се говори за зделка вредна преку 60 милиони фунти.
Хулијан Алварез ова лето во неколку наврати индицираше дека сака да ја промени средината поради желба за поголема минутажа и поважна улога.
Атлетико Мадрид пројави најконкретен интерес, и последните информации велат дека преговорите се во финална фаза.
Се шпекулира дека Атлетико Мадрид и Манчестер Сити ги пеглаат деталите за зделка вредна преку 60 милиони фунти.
Со ваква сума, трансферот на Хулијан Алварез ќе биде рекордна продажба на „граѓаните“, и пет пати поголема сума од она што беше платено за него во јануари 2022 година.