Работнички почна да се засилува за следната сезона

Од актуелната сезона има уште едно коло, но романтичарите веќе почнаа да ги претставуваат новите засилувања.

Работнички денеска потврди дека напаѓачот Стојанчо Велинов од Ренова е првото засилување на тимот за следната сезона.

„Ново засилување на Работнички за следната сезона е Стојанчо Велинов, напаѓачот кој оваа сезона го носеше дресот на Ренова. Тој потпиша договор на една година со нашиот клуб и по завршувањето на овој шампионат веќе ќе му биде на располагање на тренерот Виктор Треневски“ – стои во соопштението на клубот.