Манчестер Јунајтед ќе отпушти 250 вработени

Англискиот гигант Манчестер Јунајтед планира да отпушти 250 свои вработени во склоп на долгорочната програма за намалување на трошоците.

Без работа би требало да останат вработени во сите оддели како и на сите нивоа на клубот освен во хуманитарното здружение „Фондација Манчестер Јунајтед“. Ваквиот потег би значел намалување на бројот на вработени за 22%.

Во изминатата сезона Манчестер Јунајтед го освои осмото место во домашното првенство и тоа е најслаб пласман на 20-кратниот англиски шампион од формирањето на Премиер лигата на почетокот на 1990-ти.

Исто така, ваквото намалување на трошоците доаѓа откако британскиот милијардер Џим Ретклиф откупи 25% од акциите на клубот. Според информациите од април минатата Јунајтед имал 1112 вработени.