Минатата сезона играше во Втората српска лига, а сега е пред трансфер во – Премиер лигата!?

Дефанзивецот, Миодраг Пиваш кој е член на Јединство од УБ со кој избори пласман во српската елита би можел да го направи трансферот на кариерата.

Српските медиуми пренесуваат дека интерес за 19-годишниот фудбалер покажал тимот на Њукасл. Јединство од потенцијалниот трансфер би заработил оштета во износ од 600.000 евра што за овој клуб секако е огромна бројка.

Немања Матиќ кој е прв човек на УБ неодамна го спореди Пиваш со Немања Видиќ и Бранислав Ивановиќ. Освен што е добар во одбраната, Пиваш може да игра и како фудбалер за врска. Во дресот на Уб изминатата сезона одигра 35 натпревари и постигна еден гол.