Ништо од пеколниот план, на навивачите на Интер им ги забранија свирчињата наменети за Лукаку! (ФОТО)

Планот беше да бидат поделени преку 30.000 свирчиња на трибините и секогаш Лукаку кога ќе ја допре топката да добие свирежи.

Но, Фудбалската федерација на Италија им ги расипа плановите, забрани да се користат свирчиња за време на натпреварот.

Ултрас навивачите на Интер се бесни на оваа одлука и својот револт го искажаа преку стори на инстаграм.

„Свирчињата забранети!!! 10,000 во Фиренца беа во ред пред две години. Законот не е еднаков за сите“, напишаа фановите на Интер.

Во март 2022 година навивачите со преку 10.000 свирчиња го исвиркуваа Душан Влаховиќ кој во дресот на Јувентус се врати во Фиренца.