Наполи се изнамачи за да дојде до трите бода кај Брага. Елмас одигра половина час од натпреварот.
Италијанскиот шампион поведе во судиското продолжение од првото полувреме со гол на Ди Лоренцо.
Тој резултат беше актуелен се до 84. минута кога Брума изедначи на 1-1. Во тие моменти се чинеше дека Брага се спаси од пораз, но не беше така.
Во 88. минута Ниакате си постигна автогол и несреќно го врати водството на Наполи.
Во последните мигови Брага имаше големи шанси за да избегне пораз, но резултатот остана 2-1 за Наполи.
Арсенал беше најубедлив денеска, го победи ПСВ со 4-0.
Сака, Тросар и Габриел Жесус погодија во првото полувреме, конечниот резултат го постави Одегард во вториот дел.
Реал Сосиедад уште од четвртата минута водеше со 1-0 со гол на Мендез, израмни Лаутаро Мартинез на три минути пред крајот на мечот за конечни 1-1.
Со тој резултат заврши и мечот меѓу Севиља и Ленс. Окампос постигна гол во деветата минута за водство на домаќините, Фулгини во 24. минута израмни на 1-1.
Најголемото изененадување се случи во Лисабон каде Бенфика загуби од Салцбург со 2-0. Домаќините уште на почетокот од мечот добија црвен картон, а тоа им овозможи лесен триумф на гостите.