Њукасл успеа да ја сочува мрежата, притисокот на Милан беше огромен, но не и ефикасен. Чудо е како росонерите не дадоа гол во овој меч, посебно во првото полувреме кога се изнапромашуваа.
Во првото полувреме Милан имаше дури 15 шута од кои шест беа во рамките од голот на Њукасл. Се редеа можности пред голот на гостите, но гол немаше.
Највпечатлив момент беше продорот на Леао кој нанижа неколку противнички играчи, имаше неколку опции како да ја заврши акцијата, одбра да се обиде со пета да даде гол и се посрамоти.
Во вториот дел Њукасл беше порамноправен противник иако Милан и во ова полувреме имаше иницијатива, но не и толку шанси како во првото полувреме.
Во овој термин се играше и мечот меѓу Јанг Бојс и Лајпциг, гостите победија со 3-1.
Германскиот клуб поведе уште во третата минута со гол на Симакан, Елиа изедначи во 33. минута. Со тој резултат се замина на одморот.
Во 73. минута Шлагер го врати водството за Лајпциг, а во судиското продолжение Шешко ги постави конечните 3-1.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.