Хрватските навивачи кои се на мета во грчката јавност, но и во нивната земја, ја кажаа својата верзија.
„Принудени сме да се огласиме по невидениот линч на Бед Блу Бојс во Атина, кој го иницираа грчките медиуми и нивната јавност. За жал, во сето ова учествува и добар дел од хрватската јавност и медиуми. Неверојатна е леснотијата со која хрватските медиуми прифаќаат дека нашите членови ја преземаат одговорноста за трагедијата што се случила без да постојат никакви докази за тоа, ниту пак може да постојат, како што времето ќе покаже наскоро.
Има само таканаречена „истрага“ на компромитираната грчка полиција чија единствена цел е подоцна да режира сценарио според кое на Хрватите ќе им се пришие срамниот гест на употреба на нож во навивачки конфликт, за да се задоволат крволочната јавност, медиуми и политика. Во исто време, седум наши браќа кои се во Атина се здобија со повреди од употреба на ножеви.
Тројца беа ранети од сигнални ракети, а еден член на нашата група се здоби со дури седум (7!) убодни рани. Има ли некој во Хрватска за кого овие факти го нарушуваат наративот според кој БББ се одговорни за најтешките квалификации што им се наплаќаат?
Апелираме до сите медиуми и до хрватската јавност: Престанете со овој линч насочен кон стотина хрватски граѓани и не учествувајте во него! Не уништувајте и играјте со животот на младите за сензационализам“, се вели во соопштението.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.