Навидум изгледа како обична фотографија, но ако се забележи подобро има оставено една дупка во фотографија каде што е Жозе Мурињо.
Италијанските медиуми толкуваат дека Португалецот намерно го направил празно местото и ја објавил фотографијата со цел да каже дека му фали уште едно име во составот. Уште еден играч.
На Рома очајно и недостасува напаѓач, Абрахам е повреден и ќе го пропушти најголемиот дел од сезоната, па целта е да се обезбеди шпиц.
Рома долго време се поврзуваше со Скамака, но тој се чини дека ќе оди во Интер, прва желба на Мурињо отсекогаш беше Алваро Мората, па останува да видиме дали раководството ќе му ја исполни.
Во овој преоден рок Рома не потроши ниту едно евро за купување на играчи, двајца дојдоа како слободни Ауар и Ендика, и двајца како позајмени од Лидс, Расмусен и Љоренте кој и во минатата сезона играше шест месеци за волчицата.