Тен Хаг кога ги казнил играчите на Манчестер јунајтед, се казнил и себеси

Статистиката од тој меч покажа дека фудбалерите на Брентфорд истрчале 13,8 километри повеќе отколку играчите на Манчестер јунајтед.

Од таа причина Тен Хаг ги казнил своите играчи да ја истрчааат токму таа должина.

Сведоци за англиските медиуми откриваат дека фудбалерите на Манчестер јунајтед не биле воодушевени од идејата на Тен Хаг, но кога тој им кажал дека и тој ќе трча со нив, полесно ја прифатиле казната.

Тен Хаг трчал заедно со нив, бидејќи не е физички спремен на нивното ниво бил неверојатно исцрпен, но сакал да покаже дека за поразот се виновни сите, вклучително и тој.