Реал Мадрид емотивно, со специјално видео му се заблагодари на Касемиро (ВИДЕО)

Реал Мадрид го потврди договорот со Манчестер јунајтед за трансфер на Касемиро.

Кралскиот клуб потсети дека Бразилецот на Бернабеу пристигна во 2013 година и досега освои 18 трофеи од кои 5 во Лигата на шампионите, 3 Светски клупски првенства, 3 Европски Суперкупови, 3 Ла Лиги, 1 Куп на Шпанија и 3 Суперкупа на Шпанија.

„Касемиро секогаш ќе биде репрезент на вредностите на нашиот клуб. Фудбалер за пример кој даде се за Реал Мадрид. Реал Мадрид е и секогаш ќе биде негов дом и му посакуваме на него и неговата фамилија многу среќа во следната станица од животот“, стои меѓудругото во соопштението на Реал Мадрид.

#GraciasCasemiro pic.twitter.com/3akax380Bz

— Real Madrid C.F. (@realmadrid) August 19, 2022