Рома со победа во Салерно ја почна новата сезона во Серија А (ВИДЕО)

Рома, особено во првото полувреме создаде многу шанси за гол, Салернитана имаше само еден сериозен шут во текот на целиот меч.

Заниоло се испромашува пред да дојде 33. минута и Брајан Кристанте да постигне гол за водство од 1-0 кое се покажа и како конечен резултат.

Брзо потоа Пауло Дибала ја погоди стативата од голот на Салернитана, сантиметри фалеа да дебитира со гол.

Во второто полувреме Рома повторно имаше шанси, но Мурињо во последниот половина час се повлече и заканите пристигнуваа само од контра напади.

Од новите засилувања на Рома, стартер беше само Дибала кој го одигра речиси целиот меч, беше изваден во самиот финиш. Во текот на второто полувреме влегоа и Матиќ и Вајналдум.