Првиот човек на Атлетико откри какви се шансите за трансфер на Роналдо во Мадрид

Во последно време Атлетико Мадрид се посочуваше како нова дестинација на Кристијано Роналдо, но и оваа врата е затворена.

„Не знам кој ги измисли овие приказни за трансфер на Кристијано Роналдо во Атлетико Мадрид. Нема вистина во нив“ – вели првиот човек на клубот, Енрике Серезо.

„Практично е невозможно тој да дојде во Атлетико Мадрид“.

Кристијано Роналдо денеска со својот агент Жорж Мендеш пристигна во тренинг центарот на Манчестер јунајтед, и како што пренесоа медиумите, ЦР7 останува на ставот да замине од Олд Трафорд, не го променил мислењето и покрај тоа што Сер Алекс Фергусон бил присутен на состанокот.