Тотнем се обидува да му продаде тројца фудбалери на Милан

Тотнем се обидува да се ослободи од играчите на кои Антонио Конте нема да смета, клубот сака да прибере средства за нови засилување и да се ослободи од трошоците за плати на фудбалерите кои нема да играат.

Според „Скај Спорт Италија“, Паратичи на Милан му ги понудил Јафет Танганга, Танги Ндомбеле и Серхио Регилон.

Нејасно е каков е одговорот на Милан, дали клубот ќе купи нешто од тоа што му го нуди Тотнем.

Доколку не сака Милан, Паратичи ќе ја продолжи турнејата и по други италијански клубови, се шпекулира дека Јувентус и Сампдорија се интересираат за Танганга.

Покрај овие тројца фудбалери, Тотнем ги продава и Џовани Ло Селсо, Хари Винкс, Брајан Хил и еден од Емерсон Роха и Мат Доерти.